Ka ao, ka ao, ka awatea ki te Ahiīnanga.
Karanga mai nei te reo irewaru o te moana tūāuriuri.
Tērā e kōhengi nei, he mātāriki.
Ki uta rā anō, ko Papa-Nui-a-Karioi te raorao atu nei.
Nana te hinu! Nana te mōmona! Nana te hua o nga rākau!
E whātoro nei ōna papatipu ki te taepu o te kāinga tipu, o Pūwhariki, o Tūmatanui.
Heke te marangai, uaina te whenua, rere mai ai te wai o te oranga.
Hei whāinu i te Tini-a-Tāne, i te Tini-a-Rongomaraeroa, i te Aitanga-a-Tiki.
Tukairangi e!
Kauparetia nga āhua parahanga a te tangata e kino ai te taiao.
Kei poho kore noa iho ō Matapihi tāngata.
Ka huri.